ᲡᲠᲣᲚᲘ
ᲘᲣᲠᲘᲓᲘᲣᲚᲘ ᲛᲝᲛᲡᲐᲮᲣᲠᲔᲑᲐ 

2025 წელს ერთ-ერთ სისხლის სამართლის საქმეში ვიცავდი ბრალდებულს პირს, რომელსაც ბრალი წარდგენილი ჰქონდა მძიმე დანაშაულში, სადაც სასჯელი გათვალისწინებული იყო 5 წელზე მეტი ვადით თავისუფლების აღკვეთა. დაცვის სტრატეგია აგებული იყო დაზარალებულის ინტერესების დაკმაყოფილებასა და ზიანის სრულ ანაზღაურებაზე, რაც გახდა პროკურატურასთან ეფექტიანი მოლაპარაკების საფუძველი.

შედეგად გაფორმდა საპროცესო შეთანხმება სასურველი პირობებით, ხანგრძლივი პატიმრობის ნაცვლად, სასჯელი განისაზღვრა მხოლოდ რამდენიმე თვით პენიტენციურ დაწესებულებაში მოხდით, ხოლო დარჩენილი ნაწილი ჩაითვალა პირობით მსჯავრად.

საქმის ფარგლებში ვიცავდი მსხვილი კომპანიიდან უკანონოდ გათავისუფლებული დასაქმებულის უფლებებს. სასამართლოში სამოქალაქო დავის პარალელურად, დამსაქმებელთან ვაწარმოებდით ინტენსიურ მოლაპარაკებებს, რათა მიგვეღწია შეთანხმება კლიენტისთვის საუკეთესო პირობებზე და დავა დროულად დასრულებულიყო.

 სტრატეგიული მოლაპარაკების შედეგად, საქმე მორიგებით დასრულდა. კლიენტმა მიიღო რამდენიმე ათეული ათასი ლარის ოდენობის ფულადი კომპენსაცია, რითაც თავიდან იქნა აცილებული წლობით გაწელილი სასამართლო პროცესები.

2024 წელს იურიდიული მხარდაჭერისთვის მომმართა სამშენებლო კომპანიამ, რომელსაც გავუწიე სრული სამართლებრივი მომსახურება უძრავი ქონების მსხვილი საინვესტიციო პროექტის ფარგლებში. პროცესი მოიცავდა სამიზნე მიწის ნაკვეთის სამართლებრივი სტატუსის დეტალურ შესწავლას (Due Diligence) და სამართლებრივი რისკების პრევენციას.

ჩემი ჩართულობით წარიმართა მოლაპარაკებების პროცესი და მომზადდა ნასყიდობის ხელშეკრულება, რომელმაც სრულად გაითვალისწინა კლიენტის კომერციული ინტერესები.

გარიგება წარმატებით, სამართლებრივი სირთულეების გარეშე დასრულდა. კლიენტმა შეუფერხებლად დაიწყო მრავალსართულიანი საცხოვრებელი კომპლექსის მშენებლობა, რომელიც ამ ეტაპზე აქტიურ ფაზაშია.

საქმის ფარგლებში ვიცავდი კლიენტის ინტერესებს სახელმწიფოს წინააღმდეგ მიმდინარე რთულ სამოქალაქო და ადმინისტრაციულ დავაში. საქმე ეხებოდა 2011 წელს უკანონოდ მსჯავრდებული პირის რეაბილიტაციას და 2021 წელს დამდგარი გამამართლებელი განაჩენის საფუძველზე ზიანის ანაზღაურებას.

სარჩელი მოიცავდა როგორც მატერიალური ზიანის (გადახდილი ჯარიმები, იურიდიული ხარჯები, იძულებითი განაცდური), ისე პატიმრობაში გატარებული დროისთვის მორალური ზიანის ანაზღაურებას.

სასამართლომ გაიზიარა ჩვენი პოზიცია. კლიენტს აუნაზღაურდა როგორც ფინანსური დანაკარგი და მიუღებელი შემოსავალი, ასევე სოლიდური მორალური ზიანი.