წესები და პირობები | კონფიდენციალურობის პოლიტიკა

ძალაშია: 2026 წლის 1 იანვრიდან

მოგესალმებით „ჯავახიშვილის საადვოკატო ბიუროს“ ვებ-გვერდზე (შემდგომში - „ვებ-გვერდი“). გთხოვთ, ყურადღებით გაეცნოთ წინამდებარე წესებსა და პირობებს. ვებ-გვერდზე შემოსვლა და მისი გამოყენება ავტომატურად გულისხმობს, რომ თქვენ ეთანხმებით ქვემოთ მოცემულ პირობებს.

1. ზოგადი დებულებები და მარეგულირებელი ორგანო

1.1. ვებ-გვერდი www.jlaw.ge ეკუთვნის და მას მართავს ადვოკატი ლადო ჯავახიშვილი (შემდგომში - „ჩვენ“ ან „ბიურო“). ვებ-გვერდის მიზანია საზოგადოების ინფორმირება ადვოკატის და მისი ბიუროს საქმიანობისა და სერვისების შესახებ.

1.2. ადვოკატი ლადო ჯავახიშვილი არის სსიპ „საქართველოს ადვოკატთა ასოციაციის“ (GBA) წევრი (საადვოკატო საქმიანობის უფლების დამადასტურებელი მოწმობის №10 283). საქმიანობა ხორციელდება „ადვოკატთა შესახებ“ საქართველოს კანონისა და ადვოკატთა ეთიკის კოდექსის შესაბამისად, რომელთა გაცნობა შესაძლებელია ასოციაციის ვებ-გვერდზე: www.gba.ge.

2. პასუხისმგებლობის შეზღუდვა

2.1. ვებ-გვერდზე განთავსებული ნებისმიერი ინფორმაცია (მასალები, სტატიები, სიახლეები, სერვისების აღწერა და სხვა) ატარებს მხოლოდ ზოგად საინფორმაციო ხასიათს და არ წარმოადგენს იურიდიულ რჩევას ან კონსულტაციას. გთხოვთ გაითვალისწინოთ, წარსულში მიღწეული შედეგები არ წარმოადგენს მომავალი წარმატების გარანტიას. თითოეული სამართლებრივი საქმე უნიკალურია და დამოკიდებულია კონკრეტულ ფაქტობრივ გარემოებებზე. 

2.2. ვებ-გვერდზე განთავსებული ინფორმაციის გაცნობა ან ელექტრონული ფორმით დაკავშირება არ წარმოშობს ადვოკატსა და კლიენტს შორის ურთიერთობას. იურიდიული მომსახურების მისაღებად აუცილებელია წერილობითი ხელშეკრულების გაფორმება.

2.3. მიუხედავად იმისა, რომ ჩვენ ვცდილობთ მოგაწოდოთ ზუსტი ინფორმაცია, კანონმდებლობის ცვლილებების გამო, ვებ-გვერდზე არსებული მასალები შესაძლოა არ ასახავდეს უახლეს სამართლებრივ მდგომარეობას.

3. კონფიდენციალურობის პოლიტიკა

3.1. ჩვენთვის პრიორიტეტულია თქვენი პერსონალური მონაცემების დაცვა. წინამდებარე პოლიტიკა ეფუძნება „პერსონალურ მონაცემთა დაცვის შესახებ“ საქართველოს კანონს.

3.2. ვებ-გვერდმა შესაძლოა გამოიყენოს მხოლოდ ტექნიკურად აუცილებელი მზა-ფაილები, რომლებიც საჭიროა საიტის უსაფრთხოებისა და გამართული ფუნქციონირებისთვის (ე.წ. Essential Cookies). მათ გამოსაყენებლად კანონმდებლობა არ ითხოვს მომხმარებლის თანხმობას.

3.3. ჩვენ არ ვიყენებთ სარეკლამო ან თრექინგისთვის განკუთვნილ ქუქი-ფაილებს (Cookies). ანალიტიკური მიზნებისათვის ვიყენებთ მხოლოდ სერვისს Cloudflare Web Analytics, რომელიც აგროვებს მხოლოდ განზოგადებულ სტატისტიკურ ინფორმაციას (მაგ: ვიზიტორთა რაოდენობა, ქვეყანა). ეს სერვისი არ ინახავს თქვენს IP მისამართს და არ ახდენს თქვენს იდენტიფიცირებას.

3.4. თუ თქვენ დაგვიკავშირდებით ელ.ფოსტით ან საკონტაქტო ფორმით, თქვენს მიერ მოწოდებული ინფორმაცია (სახელი, გვარი, ელ.ფოსტა, ტელეფონის ნომერი, ფორმის შევსების ქვეყანა, შეტყობინების შინაარსში არსებული ინფორმაცია) დამუშავდება მხოლოდ თქვენთან კომუნიკაციის მიზნით.

3.5. დამუშავების მიზანი:

- თქვენს მიერ დასმულ შეკითხვებზე პასუხის გაცემა და კომუნიკაცია;

- ვებ-გვერდის ტექნიკური გამართულობის უზრუნველყოფა. 3.6. მონაცემთა უსაფრთხოება:

ჩვენ არ ვყიდით და არ გადავცემთ თქვენს საკონტაქტო ინფორმაციას მესამე პირებს, გარდა კანონით პირდაპირ გათვალისწინებული შემთხვევებისა.

4. ინტელექტუალური საკუთრება ვებ-გვერდის დიზაინი, ლოგო, ტექსტური მასალა და გრაფიკული გამოსახულებები წარმოადგენს ლადო ჯავახიშვილის ინტელექტუალურ საკუთრებას. მასალების უნებართვო გამოყენება ან კოპირება აკრძალულია.

5. ხელმისაწვდომობა (Accessibility) ჩვენი მიზანია, ვებ-გვერდი იყოს სრულად ხელმისაწვდომი ნებისმიერი შესაძლებლობის მქონე პირისთვის. თუ თქვენ აწყდებით რაიმე ტექნიკურ დაბრკოლებას საიტის გამოყენებისას, გთხოვთ, მოგვწეროთ ელ.ფოსტაზე და ჩვენ დაუყოვნებლივ დაგეხმარებით ინფორმაციის მიღებაში.

6. საკონტაქტო ინფორმაცია კითხვების შემთხვევაში, გთხოვთ დაგვიკავშირდეთ:

ელ-ფოსტა: info@jlaw.ge

ტელეფონი: +995 574 921 921